وصفه تطويل وتقليل تساقط وتقصيف الشعر من ولاد وبنات
وصفه هتطول شعرك وتنبته وهتلاحظي كده من اول شهر والنعومه واللمعان من اول مره وبتقلل التساقط والتقصف
المقادير وهى
سدر + حناء + لبن زبادى
معلقتين زيت الزيتون
ورق السدر بتجيبيه من عند العطار بيبقى زي ورق الشجر كده
وممكن تجيبيه بودره زي الحنه وبيتقال عليه سدر توما
لو جبتيه ورق يبقى هتغليه في كوبايه ونص مايه وتعجني بيه الحنه
لو جبتيه بودره يبقى هتحطي مع 6 معالق الحنه 3 معالق سدر
وتعجنيه بكوباية مغلي الشاي
وتحطي باقي الكونات طبعا وتعجنيها
وتحطيها على شعرك مدة ساعتين ..مره او اتنين في الاسبوع
ملحوظه اللي مش عاوزه حنه .تجيب سدر مطحون ويعجن بيها المكونات
المصدر : ماسكات مفيده سهله وبسيطه
التصنيف : بنات
