كيك الزبادى

كيك الزبادى

المقادير
كوب سكر
كوب زبادى
2كوب دقيق
4بيضات
فانليا
كيس بيكنج بودر
ربع معلقة صغيرة بيكربونات
ذرة ملح
عصير نص ليمونة

مقادير الشربات
1,5 كوب سكر
3كوب ماء
عصير ليمونة
بيبقى شربات خفيف
الشربات يتعمل قبل ماأعمل الكيك بساعة عالاقل لازم يكون بارد

الطريقة
الزبادى مع السكر واضرب بالمضرب لغاية مايمتزج كويس
اضيف البيض مع الفانليا مع عصير نص ليمونة واضرب حوالى 3الى 5دقايق
انخل الدقيق مع الملح مع البيكربونات مع البيكنج بودر
واضيفهم عالسائل واكمل ضرب لغاية مايختلط كويس
العجينة بتكون تقيلة شوية عن الكيك العادى
ابطن القالب بسمن ودقيق واحط الكيك فى القالب واساوى الوش بايدى
واحطه على جنب ربع ساعة وبعدها اشغل الفرن ولما يسخن ادخل الكيك
على 180 لمدة من 30 الى 40 دقيقة لغاية الوش مايحمر
ولو تحبى اختبرى سواها بخلة اسنان او طرف سكين
هتطلع من الفرن
هوزع على الوش يجى كوب شربات عالجوانب والوسط واسيب الكيك يتشرب الشربات الللى حتطيته يجى 3دقايق وبعدين اقلب الكيك على صينيه بالشكل ده
واوزع الشربات على ظهر الكيك شوية بشوية لو حسيتى انها مش محتاجة كل الشربات خلاص ساعات بيخلص كله وساعات يفيض المفروض تكون الكيك فيها شربات لكن مش غرقانة
اسيبها 3دقايق وارجعها على وشها تانى
تنفع مع شاى او لبن او مشروب ساقع او لوحدها انتى وراحتك
ان شاء الله تجربوها وتعجبكم

التصنيف : حلويات